an-chhui katha

maiñ koī ḳhvāb likhūñ kahānī meñ biitī kisī raat kā

kahkashāoñ kī nagrī se guzre hue

raat oḌhe hue ik hasīñ saath kā

is gagan kī kathā maiñ likhūñ

jis pe nainoñ ke jhilmil diye jagmagā uTThe the

jis pe bādal hamārī tarah khilkhilā uTThe the

jis pe kohre kī chādar tale chāñd chup-chāp thā

aur kahīñ duur murlī pe bajtā koī saaz thā

vo jo ḳhvāhish sī bahtī huī kāsnī nahr thī

vo jo āñkhoñ se kosoñ pare an-chhūī sahar thī

haañ vahī haañ vahī haañ vahī qahr thī

mujh ko bāñhoñ meñ apnī chhupā.e hue

barf ke silvaToñ se sarakte hue

dhund oḌhe hue

dūdhiyā raushnī se pare

chāñd kī oT meñ

tere pahlū meñ simTī huī

raat ḳhāmosh thī

maiñ bhī miirā ke jaisī kisī kirshn kī yoginī thī magar

maiñ bhī nirdosh thī

main koi KHwab likhun kahani mein biti kisi raat ka

kahkashaon ki nagri se guzre hue

raat oDhe hue ek hasin sath ka

is gagan ki katha main likhun

jis pe nainon ke jhilmil diye jagmaga uTThe the

jis pe baadal hamari tarah khilkhila uTThe the

jis pe kohre ki chadar tale chand chup-chap tha

aur kahin dur murli pe bajta koi saz tha

wo jo KHwahish si bahti hui kasni nahr thi

wo jo aankhon se koson pare an-chhui sahar thi

han wahi han wahi han wahi qahr thi

mujh ko banhon mein apni chhupae hue

barf ke silwaTon se sarakte hue

dhund oDhe hue

dudhiya raushni se pare

chand ki oT mein

tere pahlu mein simTi hui

raat KHamosh thi

main bhi mera ke jaisi kisi kirshn ki yogini thi magar

main bhi nirdosh thi