andesha

ye kis ne ālam-e-hastī kiyā tah-o-bālā

sharāb-e-zīst ko sāġhar meñ maut ke Dhālā

ye kis ne ziist ke dāman ko taar taar kiyā

zamīr-e-vaqt meñ paidā ik intishār kiyā

ye kis ne daulat-e-amn-o-amāñ ko luuT liyā

ki ban ke rāh-numā kārvāñ ko luuT liyā

ye kis ne bāda-e-hastī meñ zahr gholā hai

fasād-o-qahr-o-tabāhī kā baab kholā hai

ye kis ne aql ko ījād kā sila baḳhshā

harīf-e-mūsā-e-imrāñ ko bhī asā baḳhshā

banāyā qaisar-o-nayyar ko hukmrāñ kis ne

chaman ke vāste ḳhud mol lī ḳhizāñ kis ne

ye kis ne zulm ke bandoñ ko teġh-e-kīñ de dī

falak ke mashq-e-sitam ke liye zamīñ de dī

ḳhirad ko rāz-e-darūñ kā surāġh kis ne diyā

sharīr bachche ko āḳhir charāġh kis ne diyā

bahār se na kahīñ zīnat-e-chaman jaa.e

zamīñ tamām ye hiroshima na ban jaa.e

ye kis ne aalam-e-hasti kiya tah-o-baala

sharab-e-zist ko saghar mein maut ke Dhaala

ye kis ne zist ke daman ko tar tar kiya

zamir-e-waqt mein paida ek intishaar kiya

ye kis ne daulat-e-amn-o-aman ko luT liya

ki ban ke rah-numa karwan ko luT liya

ye kis ne baada-e-hasti mein zahr ghola hai

fasad-o-qahr-o-tabahi ka bab khola hai

ye kis ne aql ko ijad ka sila baKHsha

harif-e-musa-e-imran ko bhi asa baKHsha

banaya qaisar-o-nayyar ko hukmran kis ne

chaman ke waste KHud mol li KHizan kis ne

ye kis ne zulm ke bandon ko tegh-e-kin de di

falak ke mashq-e-sitam ke liye zamin de di

KHirad ko raaz-e-darun ka suragh kis ne diya

sharir bachche ko aaKHir charagh kis ne diya

bahaar se na kahin zinat-e-chaman jae

zamin tamam ye hiroshima na ban jae