anghraata

maiñ parda girāne lagā huuñ

palak se palak ko

milāne lagā huuñ

zamāna mire ḳhvāboñ meñ aa ke

rone lagā hai

maiñ ūñToñ ko le aa.uuñ

āḳhir kahāñ jā ke charne lage haiñ

jahāñ par

parinde paroñ ko nahīñ kholte haiñ

jahāñ sarhadeñ haiñ falak jaisī qaa.em

vahāñ paañv dharne lage haiñ

maiñ ūñToñ ko le aa.uuñ vāpas

maiñ bheḌoñ ko duuh luuñ

ka.ī maaoñ kī chhātiyāñ

chhipkilī kī tarah

sūkhe siine kī chhat se

ik arse se laTkī huī haiñ

unheñ jā ke moh luuñ

ka.ī fāḳhtā.eñ

jo niklī thiiñ kah kar

ki ā.eñgī vāpas

chamaktī dopahroñ se pahle

vo marg-āsā andhe ḳhalāoñ meñ

bhaTkī huī haiñ

gad.he vaalā

be-vazan ruuī ko laade hue

shahr se lauT aayā hai

halkī thī ruuī

bahut bhārī din thā

talā-doz tājir ne motī bhī

laane kā us se kahā thā

jo rañgīñ urūsāna joḌe meñ jaḌne haiñ

nādāñ

dulhan ko bhī ma.alūm hai

tez bārish to honī hai

ole to paḌne haiñ

nāzuk sī Tahnī pe jhūlā hai

jhūle kī rassī hai nāzuk

so rassī meñ bal āḳhir-kār paḌe haiñ

añdhrātā baḌhne lagā hai

machhere ko dariyā se vāpas bhī aanā hai

tannūr meñ giilī shāḳheñ jalānī haiñ

tannūr kī tarah

ḳhvāboñ-bharī jal rahī hai

use bhī kushāda bhare bāzuoñ meñ to aanā hai!!

main parda girane laga hun

palak se palak ko

milane laga hun

zamana mere KHwabon mein aa ke

rone laga hai

main unTon ko le aaun

aaKHir kahan ja ke charne lage hain

jahan par

parinde paron ko nahin kholte hain

jahan sarhaden hain falak jaisi qaem

wahan panw dharne lage hain

main unTon ko le aaun wapas

main bheDon ko duh lun

kai maon ki chhatiyan

chhipkili ki tarah

sukhe sine ki chhat se

ek arse se laTki hui hain

unhen ja ke moh lun

kai faKHtaen

jo nikli thin kah kar

ki aaengi wapas

chamakti dopahron se pahle

wo marg-asa andhe KHalaon mein

bhaTki hui hain

gadhe wala

be-wazan rui ko lade hue

shahr se lauT aaya hai

halki thi rui

bahut bhaari din tha

tala-doz tajir ne moti bhi

lane ka us se kaha tha

jo rangin urusana joDe mein jaDne hain

nadan

dulhan ko bhi malum hai

tez barish to honi hai

ole to paDne hain

nazuk si Tahni pe jhula hai

jhule ki rassi hai nazuk

so rassi mein bal aaKHir-kar paDe hain

andhraata baDhne laga hai

machhere ko dariya se wapas bhi aana hai

tannur mein gili shaKHen jalani hain

tannur ki tarah

KHwabon-bhari jal rahi hai

use bhi kushada bhare bazuon mein to aana hai!!