aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

anghraata

Iqtidar Javed

anghraata

Iqtidar Javed

MORE BYIqtidar Javed

    maiñ parda girāne lagā huuñ

    palak se palak ko

    milāne lagā huuñ

    zamāna mire ḳhvāboñ meñ aa ke

    rone lagā hai

    maiñ ūñToñ ko le aa.uuñ

    āḳhir kahāñ ke charne lage haiñ

    jahāñ par

    parinde paroñ ko nahīñ kholte haiñ

    jahāñ sarhadeñ haiñ falak jaisī qaa.em

    vahāñ paañv dharne lage haiñ

    maiñ ūñToñ ko le aa.uuñ vāpas

    maiñ bheḌoñ ko duuh luuñ

    ka.ī maaoñ chhātiyāñ

    chhipkilī tarah

    sūkhe siine chhat se

    ik arse se laTkī huī haiñ

    unheñ ke moh luuñ

    ka.ī fāḳhtā.eñ

    jo niklī thiiñ kah kar

    ki ā.eñgī vāpas

    chamaktī dopahroñ se pahle

    vo marg-āsā andhe ḳhalāoñ meñ

    bhaTkī huī haiñ

    gad.he vaalā

    be-vazan ruuī ko laade hue

    shahr se lauT aayā hai

    halkī thī ruuī

    bahut bhārī din thā

    talā-doz tājir ne motī bhī

    laane us se kahā thā

    jo rañgīñ urūsāna joḌe meñ jaḌne haiñ

    nādāñ

    dulhan ko bhī ma.alūm hai

    tez bārish to honī hai

    ole to paḌne haiñ

    nāzuk Tahnī pe jhūlā hai

    jhūle rassī hai nāzuk

    so rassī meñ bal āḳhir-kār paḌe haiñ

    añdhrātā baḌhne lagā hai

    machhere ko dariyā se vāpas bhī aanā hai

    tannūr meñ giilī shāḳheñ jalānī haiñ

    tannūr tarah

    ḳhvāboñ-bharī jal rahī hai

    use bhī kushāda bhare bāzuoñ meñ to aanā hai!!

    main parda girane laga hun

    palak se palak ko

    milane laga hun

    zamana mere KHwabon mein aa ke

    rone laga hai

    main unTon ko le aaun

    aaKHir kahan ja ke charne lage hain

    jahan par

    parinde paron ko nahin kholte hain

    jahan sarhaden hain falak jaisi qaem

    wahan panw dharne lage hain

    main unTon ko le aaun wapas

    main bheDon ko duh lun

    kai maon ki chhatiyan

    chhipkili ki tarah

    sukhe sine ki chhat se

    ek arse se laTki hui hain

    unhen ja ke moh lun

    kai faKHtaen

    jo nikli thin kah kar

    ki aaengi wapas

    chamakti dopahron se pahle

    wo marg-asa andhe KHalaon mein

    bhaTki hui hain

    gadhe wala

    be-wazan rui ko lade hue

    shahr se lauT aaya hai

    halki thi rui

    bahut bhaari din tha

    tala-doz tajir ne moti bhi

    lane ka us se kaha tha

    jo rangin urusana joDe mein jaDne hain

    nadan

    dulhan ko bhi malum hai

    tez barish to honi hai

    ole to paDne hain

    nazuk si Tahni pe jhula hai

    jhule ki rassi hai nazuk

    so rassi mein bal aaKHir-kar paDe hain

    andhraata baDhne laga hai

    machhere ko dariya se wapas bhi aana hai

    tannur mein gili shaKHen jalani hain

    tannur ki tarah

    KHwabon-bhari jal rahi hai

    use bhi kushada bhare bazuon mein to aana hai!!

    Source:

    Quarterly TASTEER Lahore (Pg. 97)

    • Author: Naseer Ahmed Nasir
      • Edition: Volume:15, Issue No. 1, 2, Jan To June.2011
      • Publisher: H.No.-21, Street No. 2, Phase II, Bahriya Town, Rawalpindi
      • Year of Publication: Volume:15, Issue No. 1, 2, Jan To June.2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now