anjam

vahī chehre nazar ke sāmne haiñ

jinheñ pahchānñā

mushkil nahīñ hai

ye mere sāmne barsoñ rahe haiñ

magar!

ab kis liye

ye mere sar meñ

musalsal dard sā rahne lagā hai

(unheñ har ek pal tak tak ke shāyad)

(mirī āñkheñ hī shāyad bujh rahī haiñ)

maiñ in āñkhoñ se

ab kitnā dukhī huuñ

vahī chehre

maiñ jin se āshnā huuñ

mujhe āñkhoñ pe kitnā zor de kar

unheñ pahchānñā paḌtā hai

āḳhir!

ye barqī rau sī kaise chhoḌte haiñ

thakan kī aur uktāhaT kī

āḳhir!

vo bāteñ ḳhatm kaise ho ga.ī haiñ

vo āvāzeñ!

kahāñ haiñ aaj?

āḳhir!

vo in āñkhoñ meñ kaise kho ga.ī haiñ

ki andhe bhī

to ik duuje ko

āḳhir!

baġhair āñkhoñ hī ke pahchānte haiñ

to kyaa?

āvāz āñkhoñ se baḌī hai?

(ye ham pe kaisī biptā aa paḌī hai?)

hamārī nasl!

kitnī zinda-dil thī

hamārī nasl kā anjām

āḳhir!

huā hai kis liye itnā bhayānak

ki tak tak kar kisī ko uub jaanā

nazar ke saath ḳhud bhī Duub jaanā

wahi chehre nazar ke samne hain

jinhen pahchanna

mushkil nahin hai

ye mere samne barson rahe hain

magar!

ab kis liye

ye mere sar mein

musalsal dard sa rahne laga hai

(unhen har ek pal tak tak ke shayad)

(miri aankhen hi shayad bujh rahi hain)

main in aankhon se

ab kitna dukhi hun

wahi chehre

main jin se aashna hun

mujhe aankhon pe kitna zor de kar

unhen pahchanna paDta hai

aaKHir!

ye barqi rau si kaise chhoDte hain

thakan ki aur uktahaT ki

aaKHir!

wo baaten KHatm kaise ho gai hain

wo aawazen!

kahan hain aaj?

aaKHir!

wo in aankhon mein kaise kho gai hain

ki andhe bhi

to ek duje ko

aaKHir!

baghair aankhon hi ke pahchante hain

to kya?

aawaz aankhon se baDi hai?

(ye hum pe kaisi bipta aa paDi hai?)

hamari nasl!

kitni zinda-dil thi

hamari nasl ka anjam

aaKHir!

hua hai kis liye itna bhayanak

ki tak tak kar kisi ko ub jaana

nazar ke sath KHud bhi Dub jaana