ankabut

tah-dar-tah jañgal ke andar

us kā ik chhoTā sā ghar thā

aur ḳhud jañgal

shab ke kaale resham ke

ik thaan ke andar

dabā paḌā thā

chur-mur sī āvāz banā thā

aur shab

gore din ke

makḌī-jāl meñ jakḌī

ik kaalī makkhī kī sūrat

laTak rahī thī

maiñ kyā kartā

majbūrī sī majbūrī thī

maiñ ne ḳhud ko

ghar chhappar meñ

ulTā laTkā dekh liyā thā

kitnī hī girhoñ meñ jakḌā

dekh liyā thā

makḌī jaane kahāñ ga.ī thī

apnī tahoñ ke andar shāyad

phañsī huī thī

maiñ kyā jānūñ

tah-dar-tah jangal ke andar

us ka ek chhoTa sa ghar tha

aur KHud jangal

shab ke kale resham ke

ek than ke andar

daba paDa tha

chur-mur si aawaz bana tha

aur shab

gore din ke

makDi-jal mein jakDi

ek kali makkhi ki surat

laTak rahi thi

main kya karta

majburi si majburi thi

main ne KHud ko

ghar chhappar mein

ulTa laTka dekh liya tha

kitni hi girhon mein jakDa

dekh liya tha

makDi jaane kahan gai thi

apni tahon ke andar shayad

phansi hui thi

main kya jaanun