apne chaaron jaanib dekho

appī vo din kab ā.eñge

jab ghar meñ chāval pakkeñge

soñdhī soñdhī daal banegī

aur ham sab mil kar khā.eñge

appī kab tak pahnūñgā maiñ

ye paivand lagā pājāma

mangal ke bāzār se mujh ko

nekar jarsī dilvā do nā

mere sab sāthī paḌhte haiñ

maiñ schōl na jā.ūñgā kyā

vo sab raajā ban jā.eñge

maiñ an-paḌh kahlā.ūñgā kyā

appī bechārī kyā bole

us ke abbū ruuTh ga.e haiñ

maañ kī bīmārī ke hāthoñ

sundar sapne TuuT ga.e haiñ

ai mere dil vaale bachcho

apne chāroñ jānib dekho

aise kumbe mil jā.eñge

un ko bhī jiine kā haq do

appi wo din kab aaenge

jab ghar mein chawal pakkenge

sondhi sondhi dal banegi

aur hum sab mil kar khaenge

appi kab tak pahnunga main

ye paiwand laga pajama

mangal ke bazar se mujh ko

nekar jarsi dilwa do na

mere sab sathi paDhte hain

main school na jaunga kya

wo sab raja ban jaenge

main an-paDh kahlaunga kya

appi bechaari kya bole

us ke abbu ruTh gae hain

man ki bimari ke hathon

sundar sapne TuT gae hain

ai mere dil wale bachcho

apne chaaron jaanib dekho

aise kumbe mil jaenge

un ko bhi jine ka haq do