apne yazdan se ek sawal mera

apne yazdāñ se pūchhnā hai mujhe

aise ḳhvāboñ meñ raushnī kyoñ hai

jin kī ta.abīr dastaras meñ nahīñ

in umangoñ kī kyā haqīqat hai

jin kā anjām mere bas meñ nahīñ

kyoñ mire rāste ulajhte haiñ

in ghane jañgaloñ kī sarhad se

jin meñ vahshat ke diip jalte haiñ

zindagī ke amiiq rāz-e-nihāñ

sar-ba-sar saath saath chalte haiñ

apne yazdāñ se pūchhnā hai mujhe

kyoñ mire dil meñ terī ḳhvāhish kī

sham.a ik be-qarār jaltī hai

maiñ to ḳhud terā ik havāla huuñ

kyoñ añdheroñ meñ jaañ bhaTaktī hai

tujh ko paane ke rāstoñ meñ agar

yuuñ mirī ḳhaak ḳhāk-e-rāh bane

misl-e-māh-e-tamām tū mujh ko

rāsta kyoñ dikhā nahīñ saktā

in pareshān reg-zāroñ meñ

naḳhl-e-ehsās kyoñ nahīñ miltā

apne yazdāñ se ik savāl mirā

apne yazdan se puchhna hai mujhe

aise KHwabon mein raushni kyon hai

jin ki tabir dastaras mein nahin

in umangon ki kya haqiqat hai

jin ka anjam mere bas mein nahin

kyon mere raste ulajhte hain

in ghane jangalon ki sarhad se

jin mein wahshat ke dip jalte hain

zindagi ke amiq raaz-e-nihan

sar-ba-sar sath sath chalte hain

apne yazdan se puchhna hai mujhe

kyon mere dil mein teri KHwahish ki

shama ek be-qarar jalti hai

main to KHud tera ek hawala hun

kyon andheron mein jaan bhaTakti hai

tujh ko pane ke raston mein agar

yun meri KHak KHak-e-rah bane

misl-e-mah-e-tamam tu mujh ko

rasta kyon dikha nahin sakta

in pareshan reg-zaron mein

naKHl-e-ehsas kyon nahin milta

apne yazdan se ek sawal mera