apni apni diwaren

mere aage pīchhe aur

daa.eñ baa.eñ concrete hai

maiñ chalūñ to paañv ke nīche concrete hai

shahr meñ nikalte hī

chauk-o-nukkaḌ meñ concrete ke paikar

aisā lagtā hai concrete mujhe gher rahī hai

ghar kī chār-dīvārī meñ concrete hai

chhat concrete kī hai jo aksar mujh par

istehzā.ī qahqahe lagātī hai

āsmān kā buland-o-bālā kalas

lagtā hai concrete meñ ulajh kar rah gayā hai

mujhe lagtā hai

chāroñ taraf se concrete ke dev

dhīre dhīre mirī jānib baḌh rahe haiñ

maiñ chīḳhnā chāhtā huuñ aur bhāgnā chāhtā huuñ

ek din maiñ ne koshish kī

apne hamsā.e ko āvāz duuñ

please mujhe yahāñ se nikālo

merā dam ghuT rahā hai

lekin merī āvāz us tak na pahuñch sakī

vo bhī to apnī concrete kī dīvāroñ meñ qaid hai

aur chīḳheñ concrete ko paar nahīñ kar saktīñ

ham sab apnī apnī dīvāroñ ke qaidī haiñ

mere aage pichhe aur

daen baen concrete hai

main chalun to panw ke niche concrete hai

shahr mein nikalte hi

chauk-o-nukkaD mein concrete ke paikar

aisa lagta hai concrete mujhe gher rahi hai

ghar ki chaar-diwari mein concrete hai

chhat concrete ki hai jo aksar mujh par

istehzai qahqahe lagati hai

aasman ka buland-o-baala kalas

lagta hai concrete mein ulajh kar rah gaya hai

mujhe lagta hai

chaaron taraf se concrete ke dew

dhire dhire meri jaanib baDh rahe hain

main chiKHna chahta hun aur bhagna chahta hun

ek din main ne koshish ki

apne hamsae ko aawaz dun

please mujhe yahan se nikalo

mera dam ghuT raha hai

lekin meri aawaz us tak na pahunch saki

wo bhi to apni concrete ki diwaron mein qaid hai

aur chiKHen concrete ko par nahin kar saktin

hum sab apni apni diwaron ke qaidi hain