apni beTi ke nam

agar tumheñ kaarī kah kar qatl kardeñ

mar jaanā pyaar zarūr karnā

sharāfat ke show-case meñ

naqāb Daal kar mat baiThnā pyaar zarūr karnā

pyāsī ḳhvāhishoñ ke regzār meñ

babūl ban kar mat rahnā pyaar zarūr karnā

agar kisī kī yaad haule haule

tumhāre dil meñ aatī hai

to muskurā denā pyaar zarūr karnā

vo kyā kareñge bas sañgsār hī to kareñge tum ko

tum apne jīvan-pal kā lutf uThānā pyaar zarūr karnā

tumhāre pyaar ko gunāh bhī kahā jā.egā

to kyā huā sahā jaanā

pyaar zarūr karnā

pyaar kī sarhadeñ

pyaar to mujh se be-shak karte ho

roTī kapḌā aur makān dene kā va.ada kiyā hai

is ke badle merā jīvan girvī rakh liyā hai

ghar kī bahisht meñ mujhe bilkul āzād chhoḌ rakkhā hai

bas usī taraf jaane kī mumāna.at hai

jahāñ shu.ūr ke daraḳht meñ

soch kā phal lagtā hai

rose ubhartā sūraj mujhe

qadam baḌhāne par uksātā hai

aaj ye phal khāyā hai to aape se bāhar ho ga.ī huuñ

soch ne khol Dālīñ saarī khiḌkiyāñ zehn kī

tumhārī bahisht meñ merā dam ghuTne lagā hai

maiñ faisle karne kī āzādī chāhtī huuñ

soch ke meve ne itnī tāqat de dī

agar tumhein kari kah kar qatl karden

mar jaana pyar zarur karna

sharafat ke show-case mein

naqab Dal kar mat baiThna pyar zarur karna

pyasi KHwahishon ke regzar mein

babul ban kar mat rahna pyar zarur karna

agar kisi ki yaad haule haule

tumhaare dil mein aati hai

to muskura dena pyar zarur karna

wo kya karenge bas sangsar hi to karenge tum ko

tum apne jiwan-pal ka lutf uThana pyar zarur karna

tumhaare pyar ko gunah bhi kaha jaega

to kya hua saha jaana

pyar zarur karna

pyar ki sarhaden

pyar to mujh se be-shak karte ho

roTi kapDa aur makan dene ka wada kiya hai

is ke badle mera jiwan girwi rakh liya hai

ghar ki bahisht mein mujhe bilkul aazad chhoD rakkha hai

bas usi taraf jaane ki mumanat hai

jahan shuur ke daraKHt mein

soch ka phal lagta hai

rose ubharta suraj mujhe

qadam baDhane par uksata hai

aaj ye phal khaya hai to aape se bahar ho gai hun

soch ne khol Dalin sari khiDkiyan zehn ki

tumhaari bahisht mein mera dam ghuTne laga hai

main faisle karne ki aazadi chahti hun

soch ke mewe ne itni taqat de di