apni jang rahegi

jab tak chand luTere is dhartī ko ghere haiñ

apnī jañg rahegī

ahl-e-havas ne jab tak apne daam bikhere haiñ

apnī jañg rahegī

maġhrib ke chehre par yaaro apne ḳhuun kī laalī hai

lekin ab us ke sūraj kī naav Dūbne vaalī hai

mashriq kī taqdīr meñ jab tak ġham ke añdhere haiñ

apnī jañg rahegī

zulm kahīñ bhī ho ham us kā sar ḳham karte jā.eñge

mahloñ meñ ab apne lahū ke diye na jalne pā.eñge

kuTiyāoñ se jab tak sub.hoñ ne muñh phere haiñ

apnī jañg rahegī

jaan liyā ai ahl-e-karam tum Tolī ho ayyāroñ kī

dast-e-nigar kyuuñ ban ke rahe ye bastī hai ḳhuddāroñ kī

Duube hue dukh-dard meñ jab tak sāñjh savere haiñ

apnī jañg rahegī

jab tak chand luTere is dharti ko ghere hain

apni jang rahegi

ahl-e-hawas ne jab tak apne dam bikhere hain

apni jang rahegi

maghrib ke chehre par yaro apne KHun ki lali hai

lekin ab us ke suraj ki naw Dubne wali hai

mashriq ki taqdir mein jab tak gham ke andhere hain

apni jang rahegi

zulm kahin bhi ho hum us ka sar KHam karte jaenge

mahlon mein ab apne lahu ke diye na jalne paenge

kuTiyaon se jab tak subhon ne munh phere hain

apni jang rahegi

jaan liya ai ahl-e-karam tum Toli ho ayyaron ki

dast-e-nigar kyun ban ke rahe ye basti hai KHuddaron ki

Dube hue dukh-dard mein jab tak sanjh sawere hain

apni jang rahegi