apni mahrumi ka dukh

maiñ nauha likhtā huuñ apne ḳhaliyoñ ke chhalnī ḳhvāboñ ai

sar-zamīn-e-havas meñ phaile sarāb-āsā khile gulāboñ kā

manzaroñ ke lahū meñ ghultī ġhalīz miTTī kī bātoñ kā

mire vajūd siyah-baḳhtī meñ ujḌe ashkoñ ke gard saa.e qafas bane meñ

maiñ dā.eroñ ke mahīn tāroñ kī

nā-tamāmī meñ

resha resha simaT gayā huuñ

kahāniyoñ ke dabīz pardoñ kī tah meñ uryāñ

tumhārī āñkhoñ kī muskurāhaT azaab ban kar

mire safar kī har ek manzil meñ aa chhupī hai

maiñ nauha likhtā huuñ

zard sochoñ kā

kaalī sāñsoñ kā

apne hoñToñ ke shamsī lafzoñ kā zā.iqoñ kā

tumhāre siine pe kunDalī maare jo saañp baiThā hai

us kī ḳhūnī zabāñ kā nauha

ḳhud apne bātin ke ḳhushk sahrā meñ

ujle tāroñ kī tābnākī kā

ḳhvāhishoñ se bharī havāoñ kī kā.enātoñ kā nauha likhtā huuñ nauha-ḳhvāñ huuñ

main nauha likhta hun apne KHaliyon ke chhalni KHwabon ai

sar-zamin-e-hawas mein phaile sarab-asa khile gulabon ka

manzaron ke lahu mein ghulti ghaliz miTTi ki baaton ka

mere wajud siyah-baKHti mein ujDe ashkon ke gard sae qafas bane mein

main daeron ke mahin taron ki

na-tamami mein

resha resha simaT gaya hun

kahaniyon ke dabiz pardon ki tah mein uryan

tumhaari aankhon ki muskurahaT azab ban kar

mere safar ki har ek manzil mein aa chhupi hai

main nauha likhta hun

zard sochon ka

kali sanson ka

apne honTon ke shamsi lafzon ka zaiqon ka

tumhaare sine pe kunDali mare jo sanp baiTha hai

us ki KHuni zaban ka nauha

KHud apne baatin ke KHushk sahra mein

ujle taron ki tabnaki ka

KHwahishon se bhari hawaon ki kaenaton ka nauha likhta hun nauha-KHwan hun