asfal-us-safilin

hamāre sāmne hamārā rab maujūd hai

magar ham apne apne maslak kī

DeḌh DeḌh iiñT vaalī masjidoñ meñ

ḳhvāhishoñ ke but

apnī apnī baġhloñ meñ dabā.e khaḌe haiñ

aur har baar in butoñ ko sajda karte hue

hamārā yaqīn masjid ke mīnāroñ ko chhū letā hai

ki jannat meñ bahtī shahd aur duudh

kī nahroñ ke kināroñ par hūreñ

hameñ ḳhush-āmdīd kahne ko betāb baiThī haiñ

asfal-us-sāfilīn

sajdoñ se sar uThe to apne andar jhāñknā

tum jaan loge

ham se baḌā nā-farmān koī nahīñ

hamare samne hamara rab maujud hai

magar hum apne apne maslak ki

DeDh DeDh inT wali masjidon mein

KHwahishon ke but

apni apni baghlon mein dabae khaDe hain

aur har bar in buton ko sajda karte hue

hamara yaqin masjid ke minaron ko chhu leta hai

ki jannat mein bahti shahd aur dudh

ki nahron ke kinaron par huren

hamein KHush-amdid kahne ko betab baiThi hain

asfal-us-safilin

sajdon se sar uThe to apne andar jhankna

tum jaan loge

hum se baDa na-farman koi nahin