اوج ثریا

ان دنوں اوج ثریا سے اک آنکھ

طشت میں پھول چراغ اور کچھ آیات کا نور

بخت کی رحل میں رکھتی ہے

دعا دیتی ہے

آسماں اور زمیں سب سے جدا دیتی ہے

یعنی مجھ کو مرے ہونے کا پتہ دیتی ہے

طشت میں رکھی ہوئی عشق کی آیات سے نور

یوں ٹپکتا ہے مری آنکھ کے گل دانوں میں

جیسے بھگوان اتر آیا ہو انسانوں میں

جبر سے خون سے مہکی ہوئی دھرتی پہ ندیمؔ

طشت میں پھول سلیقے سے سجا دیتا ہے

اور ہمیں امن سے جینے کی دعا دیتا ہے

آج بھی اوج ثریا کا پتہ دیتا ہے

آج بھی اوج ثریا کا پتہ دیتا ہے