auj-e-surayya

in dinoñ auj-e-surayyā se ik aañkh

tasht meñ phuul charāġh aur kuchh āyāt kā nuur

baḳht kī rehl meñ rakhtī hai

du'ā detī hai

āsmāñ aur zamīñ sab se judā detī hai

yā'nī mujh ko mire hone kā pata detī hai

tasht meñ rakkhī huī 'ishq kī āyāt se nuur

yuuñ Tapaktā hai mirī aañkh ke gul-dānoñ meñ

jaise bhagvān utar aayā ho insānoñ meñ

jabr se ḳhuun se mahkī huī dhartī pe 'nadīm'

tasht meñ phuul salīqe se sajā detā hai

aur hameñ amn se jiine kī du'ā detā hai

aaj bhī auj-e-surayyā kā pata detā hai

aaj bhī auj-e-surayyā kā pata detā hai

in dinon auj-e-surayya se ek aankh

tasht mein phul charagh aur kuchh aayat ka nur

baKHt ki rehl mein rakhti hai

du'a deti hai

aasman aur zamin sab se juda deti hai

ya'ni mujh ko mere hone ka pata deti hai

tasht mein rakkhi hui 'ishq ki aayat se nur

yun Tapakta hai meri aankh ke gul-danon mein

jaise bhagwan utar aaya ho insanon mein

jabr se KHun se mahki hui dharti pe 'nadim'

tasht mein phul saliqe se saja deta hai

aur hamein amn se jine ki du'a deta hai

aaj bhi auj-e-surayya ka pata deta hai

aaj bhi auj-e-surayya ka pata deta hai