aur jo dastaras mein nahin

jab vo ġhusse meñ hotī hai to

kuchh bhī kah jaatī hai

dukh to hotā hai par

asal meñ mujh ko tashvīsh rahtī hai

is baare jo

us ke hoñToñ pe aatā nahīñ

dil meñ rah jaatā hai

dost kitne haiñ jo

dil meñ aane se pahle hī bak dete haiñ

kahte rahte haiñ achchhī burī

aur vo dost jo har jagah

baiThā rahtā hai ḳhāmosh

bas sar hilātā hai haañ maiñ

magar kuchh bhī kahtā nahīñ

koī laavā hai is meñ ubaltā huā

jānñe kā use

kis qadar ishtiyāq hai mujhe

maañ kī āñkhoñ meñ

rahmat kī ThanDak

mujhe maañ ke hāthoñ meñ

shafqat kī hiddat

mujhe maañ ke dil meñ

duāoñ kī kasrat

bahut hai yaqīnan bahut hai

magar mujh ko vo pyaar bhī dekhnā hai

jo sattar gunā hai

pahāḌoñ se lag kar nazar ruk sī jaatī hai

dil un kī haibat se larzāñ sā rahtā hai

par kāñpte kāñpte bhī

yahī zehn meñ gūñjtā hai

ki us paar kyā hai

jo āñkhoñ se ojhal hai

bas dekh letā huuñ maiñ

nazm meñ nazm maujūd hai

nazm meñ nazm kā zikr hai

haañ magar

nazm se bhī ziyāda mujhe

nazm se māvarā nazm kī fikr hai

jab wo ghusse mein hoti hai to

kuchh bhi kah jati hai

dukh to hota hai par

asal mein mujh ko tashwish rahti hai

is bare jo

us ke honTon pe aata nahin

dil mein rah jata hai

dost kitne hain jo

dil mein aane se pahle hi bak dete hain

kahte rahte hain achchhi buri

aur wo dost jo har jagah

baiTha rahta hai KHamosh

bas sar hilata hai han main

magar kuchh bhi kahta nahin

koi lawa hai is mein ubalta hua

jaanne ka use

kis qadar ishtiyaq hai mujhe

man ki aankhon mein

rahmat ki ThanDak

mujhe man ke hathon mein

shafqat ki hiddat

mujhe man ke dil mein

duaon ki kasrat

bahut hai yaqinan bahut hai

magar mujh ko wo pyar bhi dekhna hai

jo sattar guna hai

pahaDon se lag kar nazar ruk si jati hai

dil un ki haibat se larzan sa rahta hai

par kanpte kanpte bhi

yahi zehn mein gunjta hai

ki us par kya hai

jo aankhon se ojhal hai

bas dekh leta hun main

nazm mein nazm maujud hai

nazm mein nazm ka zikr hai

han magar

nazm se bhi ziyaada mujhe

nazm se mawara nazm ki fikr hai