aur kya chahiye jine ke liye

kaun sī shai se hai duniyā tirī mahrūm batā

aur kyā chāhiye jiine ke liye bol zarā

aaj bhī raah tirī dekh rahā hai koī

aaj bhī jalte haiñ āñkhoñ ke diye tere liye

phuul hoñToñ pe tabassum ke sajā kar koī

muntazir aaj bhī hai tere liye tere liye

kyā javāz aur ho jiine ke liye bol 'sadā'

aur kyā chāhiye jiine ke liye bol zarā

aaj bhī phuul khilā hai tirī bagiyā meñ nayā

kitnī pyārī hai zarā dekh to muskān is kī

aaj bhī chheḌā hai koyal ne koī raag nayā

kitnī mīThī hai zarā sun to sahī taan is kī

aaj bhī vaqt pe sūraj ne hai phir dī dastak

aaj bhī sub.h ugī kokh se phir pūrab kī

aaj bhī shaam ke māthe pe sajegā sindūr

aaj bhī maañg sitāroñ se bharegī shab kī

aur bhī kitne hī manzar haiñ suhāne dilkash

band haiñ terī nigāheñ tū inheñ khol zarā

kaun sī shai se hai duniyā tirī mahrūm batā

aur kyā chāhiye jiine ke liye bol zarā

kaun si shai se hai duniya teri mahrum bata

aur kya chahiye jine ke liye bol zara

aaj bhi rah teri dekh raha hai koi

aaj bhi jalte hain aankhon ke diye tere liye

phul honTon pe tabassum ke saja kar koi

muntazir aaj bhi hai tere liye tere liye

kya jawaz aur ho jine ke liye bol 'sada'

aur kya chahiye jine ke liye bol zara

aaj bhi phul khila hai teri bagiya mein naya

kitni pyari hai zara dekh to muskan is ki

aaj bhi chheDa hai koyal ne koi rag naya

kitni miThi hai zara sun to sahi tan is ki

aaj bhi waqt pe suraj ne hai phir di dastak

aaj bhi subh ugi kokh se phir purab ki

aaj bhi sham ke mathe pe sajega sindur

aaj bhi mang sitaron se bharegi shab ki

aur bhi kitne hi manzar hain suhane dilkash

band hain teri nigahen tu inhen khol zara

kaun si shai se hai duniya teri mahrum bata

aur kya chahiye jine ke liye bol zara