aurat

'aql kī bārīkiyoñ se duur hai terā ḳhayāl

tū elora kā tasavvur tū ajantā kā nikhār

tere charnoñ meñ hai gangā tū himāla kā vaqār

taaj se bhī ḳhūb-sūrat hai tirā husn-o-jamāl

'azm hai partāp kā to tujh meñ 'gautam' kā shu'ūr

terī miTTī kyā hai sonā tū sarāpā nuur hai

zindagī kā har takalluf tujh se kosoñ duur hai

phuul kī pattī se dil hotā hai terā chūr-chūr

duudh āñchal meñ hai tere aañkh terī nam bhī hai

tere dam se pyaar ko hāsil hai duniyā meñ baqā

ek pal meñ phūñk de tū ḳhirman-e-makr-o-riyā

ye haqīqat hai ki tū sho'la bhī hai shabnam bhī hai

tujh se Takkar lene vaalā āḳhirash pachhtā.egā

hogā chaknā-chūr jo dīvār ban kar aa.egā

'aql ki barikiyon se dur hai tera KHayal

tu elora ka tasawwur tu ajanta ka nikhaar

tere charnon mein hai ganga tu himala ka waqar

taj se bhi KHub-surat hai tera husn-o-jamal

'azm hai partap ka to tujh mein 'gautam' ka shu'ur

teri miTTi kya hai sona tu sarapa nur hai

zindagi ka har takalluf tujh se koson dur hai

phul ki patti se dil hota hai tera chur-chur

dudh aanchal mein hai tere aankh teri nam bhi hai

tere dam se pyar ko hasil hai duniya mein baqa

ek pal mein phunk de tu KHirman-e-makr-o-riya

ye haqiqat hai ki tu sho'la bhi hai shabnam bhi hai

tujh se Takkar lene wala aaKHirash pachhtaega

hoga chakna-chur jo diwar ban kar aaega