aurat

samundar

pyaas kaise bujhā.e

ki vo tishnagī kā dūsrā

lafz Thahrā

isī liye samundar ne

kisī kī pyaas ab tak

bujhāne kā da.avā nahīñ kiyā hai

magar vo zaat meñ apnī baḌā hai

bahut pur-āb hai

par ye sach hai

haqīqat meñ

vo be-ma.anī bahut hai

ba-zāhir be-karāñ maujoñ ko

apnī god meñ le kar

ravāñ hai be-qarārī se

magar kahtā nahīñ hai dard apnā

sadā in shoḳh maujoñ kā hamdam

hai in kā ham-qadam

in kā nigahbāñ

vo ḳhud Darā sahmā huā hai

samundar kā janam shāyad nahīñ hai

ki vo sairāb kar de tishnagāñ ko

hai is ke misl aurat kī fitrat

samundar aur aurat kī kahānī

hai ik jaisī zamāne meñ azal se

hazāroñ ġham ko pī letī hai aurat

magar shikva nahīñ kartī

isī liye to samundar aur aurat

nazar aate haiñ bilkul ek jaise

sitam sahtī hai vo zaryāb aksar

magar kahtī nahīñ kuchh bhī zabāñ se

hai yahī aurat kī ḳhaslat

yahī hai is kī azmat

samundar

pyas kaise bujhae

ki wo tishnagi ka dusra

lafz Thahra

isi liye samundar ne

kisi ki pyas ab tak

bujhane ka dawa nahin kiya hai

magar wo zat mein apni baDa hai

bahut pur-ab hai

par ye sach hai

haqiqat mein

wo be-mani bahut hai

ba-zahir be-karan maujon ko

apni god mein le kar

rawan hai be-qarari se

magar kahta nahin hai dard apna

sada in shoKH maujon ka hamdam

hai in ka ham-qadam

in ka nigahban

wo KHud Dara sahma hua hai

samundar ka janam shayad nahin hai

ki wo sairab kar de tishnagan ko

hai is ke misl aurat ki fitrat

samundar aur aurat ki kahani

hai ek jaisi zamane mein azal se

hazaron gham ko pi leti hai aurat

magar shikwa nahin karti

isi liye to samundar aur aurat

nazar aate hain bilkul ek jaise

sitam sahti hai wo zaryab aksar

magar kahti nahin kuchh bhi zaban se

hai yahi aurat ki KHaslat

yahi hai is ki azmat