عورت

تو حوا بھی ہے مریم بھی

تو ہی سیتا تو ہی رادھا

خدیجہ بھی ہے تو

اور فاطمہؓ بھی ہے

تو ہی رضیہ ہے

لکشمی بائی بھی تو ہے

ہزاروں روپ ہیں تیرے

ہزاروں کل میں تو نے ہی

کبھی اوتار جنمے ہیں

کبھی ہادی کبھی رہبر زمانے کو دئے تو نے

ترے ہی حسن کا چرچا زمیں سے آسماں تک ہے

محافظ بھی ہے اور جننی بھی ہے

تہذیب کی

اخلاق کی

بھاشا کی

ممتا کی

ترے فکر و عمل کی کار فرمائی نرالی ہے زمانے میں

تو عورت ہے مگر کیا شان والی ہے زمانے میں