awam

khaḌe ho aaj jis tahzīb ke ūñche manāre par

sajāyā hai use shāyad hameñ badnām logoñ ne

jidhar se chal ke tum pahuñche ho in zarrīñ manāzil tak

dikhā.ī hai tumheñ vo raah ham nākām logoñ ne

tumhārī bazm zehn-o-fikr kī ārā.isheñ kī haiñ

ham aise hī asīr-e-gul asīr-e-jām logoñ ne

tumhāre jāda-e-gul-rañg kī ye ahmarīñ sham.eñ

jalā.ī haiñ ham aise hī asīr-e-dām logoñ ne

kisī andāz se lekin tumheñ pahuñchā diyā hogā

na.ī duniyā na.e insāñ kā ye paiġhām logoñ ne

ki aksar apne hī taḳh.īl ke ḳhush-rañg phūloñ ko

masal kar pheñk Daalā hai ba-vaqt-e-shām logoñ ne

biThā kar ma.abad-e-zarrīñ meñ ḳhud nūrīñ ḳhudāoñ ko

kiyā hai kis tarah ḳhud hī unheñ nākām logoñ ne

hasīñ ta.abīr do yā tum hamāre ḳhvāb lauTā do

hamārī ma.arifat bhejā hai ye paiġhām logoñ ne

khaDe ho aaj jis tahzib ke unche manare par

sajaya hai use shayad hamein badnam logon ne

jidhar se chal ke tum pahunche ho in zarrin manazil tak

dikhai hai tumhein wo rah hum nakaam logon ne

tumhaari bazm zehn-o-fikr ki aaraishen ki hain

hum aise hi asir-e-gul asir-e-jam logon ne

tumhaare jada-e-gul-rang ki ye ahmarin shamen

jalai hain hum aise hi asir-e-dam logon ne

kisi andaz se lekin tumhein pahuncha diya hoga

nai duniya nae insan ka ye paigham logon ne

ki aksar apne hi taKHil ke KHush-rang phulon ko

masal kar phenk Dala hai ba-waqt-e-sham logon ne

biTha kar mabad-e-zarrin mein KHud nurin KHudaon ko

kiya hai kis tarah KHud hi unhen nakaam logon ne

hasin tabir do ya tum hamare KHwab lauTa do

hamari marifat bheja hai ye paigham logon ne