azim sach

mire ḳhudāyā

bichhaḌ na jaa.e

jo mujh se ab tak milā nahīñ hai

vo merī rātoñ kā rat-jagā bhī

hai mere ḳhvāboñ kī chāñdnī bhī

maiñ us ko dekhūñ

to sub.h nikhre

maiñ us ko sochūñ

to shaam mahke

vo mere āñgan meñ paañv rakkhe

to kahkashāñ āsmāñ se utre

mire ḳhayāloñ se us kā rishta

tamām rishtoñ kī

saarī sachchā.iyoñ se bartar

aTuuT an-miT aziim rishta

mirī duā hai

vo shaḳhs

is shahr-e-ārzū se

jo ab ke jaa.e

aziim sach us ke saath jaa.e

mere KHudaya

bichhaD na jae

jo mujh se ab tak mila nahin hai

wo meri raaton ka rat-jaga bhi

hai mere KHwabon ki chandni bhi

main us ko dekhun

to subh nikhre

main us ko sochun

to sham mahke

wo mere aangan mein panw rakkhe

to kahkashan aasman se utre

mere KHayalon se us ka rishta

tamam rishton ki

sari sachchaiyon se bartar

aTuT an-miT azim rishta

meri dua hai

wo shaKHs

is shahr-e-arzu se

jo ab ke jae

azim sach us ke sath jae