baba dur chale gae

rail kī āhanī pahiyoñ meñ

ik jumbish huī

dhīre dhīre baḌhī raftār us kī

pahle darje ke

ek Dabbe meñ

ek tanhā musāfir

muḌ muḌ kar ye kis ko dekhtā thā

hilā kar haath us se

kah rahā thā

alvidā.a ruḳhsat

aur vo nannhī sī

ik ma.asūm bachchī

apnī maañ kā haath mazbūtī se thāme

rail kī baḌhtī huī raftār ko

nīchā dikhāne

dauḌne lagtī hai tezī se aur

ruñdhī huī āvāz meñ

ye kahtī jaatī hai

ḳhudā hāfiz mire baabā ḳhudā hāfiz

ādāb mire baabā ādāb

tez raftārī se gaaḌī

ho ga.ī nazroñ se ojhal aur

maañ ke pairoñ se lipaT kar

rote rote

kahā bachchī ne

ammī jaise baabā jaan

ham ko chhoḌ kar tanhā ga.e haiñ

duur ham sab se

ye va.ada kījiye ammī

ki mujh ko chhoḌ kar

bilkul akelī

kabhī mat jā.iyegā

kabhī mat jā.iyegā

merī ammī merī ammī

rail ki aahani pahiyon mein

ek jumbish hui

dhire dhire baDhi raftar us ki

pahle darje ke

ek Dabbe mein

ek tanha musafir

muD muD kar ye kis ko dekhta tha

hila kar hath us se

kah raha tha

alwidaa ruKHsat

aur wo nannhi si

ek masum bachchi

apni man ka hath mazbuti se thame

rail ki baDhti hui raftar ko

nicha dikhane

dauDne lagti hai tezi se aur

rundhi hui aawaz mein

ye kahti jati hai

KHuda hafiz mere baba KHuda hafiz

aadab mere baba aadab

tez raftari se gaDi

ho gai nazron se ojhal aur

man ke pairon se lipaT kar

rote rote

kaha bachchi ne

ammi jaise baba jaan

hum ko chhoD kar tanha gae hain

dur hum sab se

ye wada kijiye ammi

ki mujh ko chhoD kar

bilkul akeli

kabhi mat jaiyega

kabhi mat jaiyega

meri ammi meri ammi