baba

tumhārī jānib duā ke motī ravāna karte

dikhā ye sakte

ki lāDlī kī sunahrī āñkheñ bharī huī thiiñ

vo ek chiTThī ki jis meñ ḳhud ko dilāsa dete

bilak rahī thī

vo bikhre safhāt Diary ke

ki jin meñ tum par likhī thiiñ nazmeñ

bhare the ash.ār

kaise bhejeñ

ki tum to miTTī ke ghar meñ jā ke base hue ho

zamīn vāloñ ko aa ke dekho

ki bin tumhāre

hamārī ii.deñ bhī mātamoñ kī tarah guzartī haiñ bain karte

udāsiyoñ kī siyāh bhaTTī meñ jalte bujhte

ki āsmānī bashāratoñ kā jo silsila thā

vo ek muddat se toḌ rakkhā hai

joḌ Daalo

tumhāre ḳhvāboñ kī muntazir hai tumhārī laaDo

so is se pahle safar ke asbāb bāñdh le vo

samā.atoñ ko sadā sunā do

tumhaari jaanib dua ke moti rawana karte

dikha ye sakte

ki laDli ki sunahri aankhen bhari hui thin

wo ek chiTThi ki jis mein KHud ko dilasa dete

bilak rahi thi

wo bikhre safhat Diary ke

ki jin mein tum par likhi thin nazmen

bhare the ashaar

kaise bhejen

ki tum to miTTi ke ghar mein ja ke base hue ho

zamin walon ko aa ke dekho

ki bin tumhaare

hamari iden bhi matamon ki tarah guzarti hain bain karte

udasiyon ki siyah bhaTTi mein jalte bujhte

ki aasmani bashaaraton ka jo silsila tha

wo ek muddat se toD rakkha hai

joD Dalo

tumhaare KHwabon ki muntazir hai tumhaari laDo

so is se pahle safar ke asbab bandh le wo

samaaton ko sada suna do