baadshah teri dahliz ka darban hai

ashtār

ai āsmānoñ kī malika

bādshāh terī dahlīz kā darbān hai

lagāsh

aur

aur

arj meñ

tere naam kā sikka Dhaltā hai

terī zulfeñ

zafar-mand lashkar kā pharerā haiñ

aur

chehra

sub.h ke mashriq kā āsmān

furāt kā chamaktā paanī

terā ā.īna hai

kuñvāriyāñ

tere muqaddas ahāte meñ

apnī ismat kā sunahrā sikka

bheñT karne aatī haiñ

to mīnāra-e-bābul kī bulandī se

bāñjh zamīn ke naam

bār-āvrī kā sandesa likhtī hai

ai bahut se nāmoñ vaalī

terī hatheliyāñ

tere tamavvuz ke hāthoñ kī garmī se dahaktī haiñ

jis ke safed ma.abad ke sunahrī kalas

merī āñkhoñ ko ḳhīra karte haiñ

tere mātam-dāroñ ke āza-e-tanāsul

terī bārgāh kā chaḌhāvā haiñ

azhdahā

tere paañv ke tavāzun pe martā hai

safed sher

tere sunahre rath ke ghoḌe haiñ

tere sar par

par-dār bel kā saaya hai

ai bār-āvrī kī devī

tere qadmoñ kī aahaT se

murda zamīn

naaf tak dhaḌak uThtī hai

ashtar

ai aasmanon ki malika

baadshah teri dahliz ka darban hai

lagash

aur

aur

arj mein

tere nam ka sikka Dhalta hai

teri zulfen

zafar-mand lashkar ka pharera hain

aur

chehra

subh ke mashriq ka aasman

furaat ka chamakta pani

tera aaina hai

kunwariyan

tere muqaddas ahate mein

apni ismat ka sunahra sikka

bhenT karne aati hain

to minara-e-babul ki bulandi se

banjh zamin ke nam

bar-awri ka sandesa likhti hai

ai bahut se namon wali

teri hatheliyan

tere tamawwuz ke hathon ki garmi se dahakti hain

jis ke safed mabad ke sunahri kalas

meri aankhon ko KHira karte hain

tere matam-daron ke aaza-e-tanasul

teri bargah ka chaDhawa hain

azhdaha

tere panw ke tawazun pe marta hai

safed sher

tere sunahre rath ke ghoDe hain

tere sar par

par-dar bel ka saya hai

ai bar-awri ki dewi

tere qadmon ki aahaT se

murda zamin

naf tak dhaDak uThti hai