barish rahmat hai ya zahmat

bādal jab ghir kar aate haiñ

mere abbū Dar jaate haiñ

vo kahte haiñ dekho beTe

bārish rahmat to hai be-shak

kuchh mujh ko inkār nahīñ hai

chhat bhī maiñ banvā luñgā aur

chhātā bhī le ā.ūñgā maiñ

lekin ye galiyoñ saḌkoñ par

jo paanī bhar jaatā hai

taḌpā jaatā hai ye mujh ko

is kā kuchh hal bhī to hogā

maiñ ne jab pūchhā

to bole

aao ham sab pahle raah pe aa.eñ

matlab ye ki

paanī ke bahne kī koī raah nikāleñ

gar aisā ho jaa.e to phir

bārish rahmat hī rahmat hai

baadal jab ghir kar aate hain

mere abbu Dar jate hain

wo kahte hain dekho beTe

barish rahmat to hai be-shak

kuchh mujh ko inkar nahin hai

chhat bhi main banwa lunga aur

chhata bhi le aaunga main

lekin ye galiyon saDkon par

jo pani bhar jata hai

taDpa jata hai ye mujh ko

is ka kuchh hal bhi to hoga

main ne jab puchha

to bole

aao hum sab pahle rah pe aaen

matlab ye ki

pani ke bahne ki koi rah nikalen

gar aisa ho jae to phir

barish rahmat hi rahmat hai