بازگشت
وصال کی راہ سے گزر کر
فراق کا موڑ آ گیا ہے
اور اب یہاں سے
اداس شاموں
سپاٹ راتوں کا سلسلہ ہے
مگر ابھی تک یہ ایک دل ہے
تو پیچھے مڑ مڑ کے دیکھتا ہے
سفر تو آگے کو بڑھ رہا ہے
مگر یہ دنیا تو دائرہ ہے
مراجعت عین واقعہ ہے
ہمیں یہ دیکھیں گے صبح فردا
کہ تازہ سورج نکل رہا ہے
فراق کی راہ سے گزر کر
وصال کا موڑ آ گیا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
