bachche ka KHwab

ik bachche ne ḳhvāb ye dekhā

shahr zamīñ par hai ik aisā

sab insāñ haiñ jahāñ barābar

chhoTā hai koī aur nā hai bartar

mil-jul kar haiñ sab hī rahte

hamdardī aapas meñ rakhte

kaalā bhoñDā koī nahīñ hai

sūrat se har koī hasīñ hai

bachche bhī haiñ sab hī pyāre

mil kar paḌhne jaate saare

nahīñ hai laḌtā koī kisī se

mil kar rahte saath ḳhushī ke

koī kisī kī chiiz na letā

ġhībat chuġhlī koī na kartā

saaf haiñ ḳhud bhī kapḌe ujle

baste bhī to nahīñ haiñ gande

niiñd se bachcha jab vo jaagā

idhar udhar ghabrā kar dekhā

kuchh pal meñ jab jaag uThā

ḳhvāb thā sab ye samajh gayā

sochā kaash ye sach ho jaa.e

aisī duniyā ye ban jaa.e

ek bachche ne KHwab ye dekha

shahr zamin par hai ek aisa

sab insan hain jahan barabar

chhoTa hai koi aur na hai bartar

mil-jul kar hain sab hi rahte

hamdardi aapas mein rakhte

kala bhonDa koi nahin hai

surat se har koi hasin hai

bachche bhi hain sab hi pyare

mil kar paDhne jate sare

nahin hai laDta koi kisi se

mil kar rahte sath KHushi ke

koi kisi ki chiz na leta

ghibat chughli koi na karta

saf hain KHud bhi kapDe ujle

baste bhi to nahin hain gande

nind se bachcha jab wo jaga

idhar udhar ghabra kar dekha

kuchh pal mein jab jag uTha

KHwab tha sab ye samajh gaya

socha kash ye sach ho jae

aisi duniya ye ban jae