bachchon ka julus

ġhubāre sitāre

gulābī sharābī khule parchamoñ ke sharāre uḌāte

hazāroñ kī ta.adād meñ vo gharoñ se schōloñ se aa.e

dahakte hue gaal uḌte hue baal

jismoñ ke motī

vo shabnam the lekin

badalte ga.e garm laave meñ paiham

vo bahte ga.e mauj-dar-mauj har rah guzar par

falak-bos na.aroñ se apne vatan ke na.e yā purāne

chale vo baḌhe vo

sabhī mushtahar dushmanoñ ko miTāne

magar shoḳh chehroñ ke is kārvāñ meñ

tasavvur meñ bante sañvarte hue sūrmāoñ se haT kar

ḳhudā jaane kaise kahāñ se vo aayā

vo nanhā sā ma.asūm bālak

jo ḳhāmosh hairāñ pareshāñ

ġhubāroñ sharāroñ falak-bos na.aroñ

ke be-rahm dariyā meñ bahtā luḌhaktā chalā jā rahā thā

use kaun pahchāntā jab tamāshā.iyoñ kī safoñ meñ

use dekhne vaalā koī nahīñ thā

ghubare sitare

gulabi sharabi khule parchamon ke sharare uDate

hazaron ki tadad mein wo gharon se schoolon se aae

dahakte hue gal uDte hue baal

jismon ke moti

wo shabnam the lekin

badalte gae garm lawe mein paiham

wo bahte gae mauj-dar-mauj har rah guzar par

falak-bos naron se apne watan ke nae ya purane

chale wo baDhe wo

sabhi mushtahar dushmanon ko miTane

magar shoKH chehron ke is karwan mein

tasawwur mein bante sanwarte hue surmaon se haT kar

KHuda jaane kaise kahan se wo aaya

wo nanha sa masum baalak

jo KHamosh hairan pareshan

ghubaron shararon falak-bos naron

ke be-rahm dariya mein bahta luDhakta chala ja raha tha

use kaun pahchanta jab tamashaiyon ki safon mein

use dekhne wala koi nahin tha