bachchon ke liye KHususi nazm

ḳhvāb-e-ḳhargosh toḌ denā hai

tum ko paḌhnā hai ḳhuub paḌhnā hai

maiñ tumheñ titliyoñ se bahlā.ūñ

yā patañgeñ uḌā ke phuslā.ūñ

aur carrom kī goTīoñ ke saath

vaqt barbād karnā sikhlā.ūñ

ek hī kaam kar guzarnā hai

tum ko paḌhnā hai ḳhuub paḌhnā hai

naanī daadī se loriyāñ bhī sun

kaun kahtā hai tujh se motī chun

itnā nādān ho gayā hai tū

band āñkhoñ se gā rahā hai gun

āsmānoñ kī baat karnā hai

tum ko paḌhnā hai ḳhuub paḌhnā hai

paḌhne likhne se jī churātā hai

gullī DanDe meñ jī lagātā hai

geñd balle kā tū hai shaidā.ī

umr yuuñ hī guzār detā hai

ab na.e rāste pe chalnā hai

tum ko paḌhnā hai ḳhuub paḌhnā hai

nīche darjoñ meñ paas ho jaanā

nanhe munnoñ kā sīḌhī chaḌh jaanā

hai safar ilm kā zarā lambā

hausloñ se magar simaT jaanā

band zehnoñ kā ab to khulnā hai

tum ko paḌhnā hai ḳhuub paḌhnā hai

ek ne.amat kitāb hai terī

yūñhī Taltī nahīñ pareshānī

is se milte haiñ fā.ede saare

is kī barakat karegī sultānī

chāñd tāroñ meñ jā ke rahnā hai

tum ko paḌhnā hai ḳhuub paḌhnā hai

KHwab-e-KHargosh toD dena hai

tum ko paDhna hai KHub paDhna hai

main tumhein titliyon se bahlaun

ya patangen uDa ke phuslaun

aur carrom ki goTion ke sath

waqt barbaad karna sikhlaun

ek hi kaam kar guzarna hai

tum ko paDhna hai KHub paDhna hai

nani dadi se loriyan bhi sun

kaun kahta hai tujh se moti chun

itna nadan ho gaya hai tu

band aankhon se ga raha hai gun

aasmanon ki baat karna hai

tum ko paDhna hai KHub paDhna hai

paDhne likhne se ji churaata hai

gulli DanDe mein ji lagata hai

gend balle ka tu hai shaidai

umr yun hi guzar deta hai

ab nae raste pe chalna hai

tum ko paDhna hai KHub paDhna hai

niche darjon mein pas ho jaana

nanhe munnon ka siDhi chaDh jaana

hai safar ilm ka zara lamba

hauslon se magar simaT jaana

band zehnon ka ab to khulna hai

tum ko paDhna hai KHub paDhna hai

ek neamat kitab hai teri

yunhi Talti nahin pareshani

is se milte hain faede sare

is ki barakat karegi sultani

chand taron mein ja ke rahna hai

tum ko paDhna hai KHub paDhna hai