bachchon ko naya sal mubarak

purānā gayā aur nayā saal aayā

mubārak ho tum ko nayā saal bachcho

jo ab haath meñ hai karo fikr us kī

gayā haath se jo gayā saal bachcho

dikhā.e ḳhudā saal tum ko bahut se

yūñhī saal par saal aatā rahegā

vo jaatā rahegā purānā jo hogā

nayā saal har saal aatā rahegā

purānā agar saal ġhaflat meñ guzrā

guzāro nayā saal hushyār ho kar

jo pichhle baras meñ kamī rah ga.ī hai

karo us ko puurā ḳhabar-dār ho kar

nayā saal ho jā.egā jab purānā

to sāmāñ karegā vo apne safar ke

kiye hoñge tum ne agar kaam achchhe

vo ḳhush jā.egā tum ko dil-shād kar ke

kiyā hogā zaa.e.a agar tum ne is ko

to ġhusse kī sūrat dikhā.egā tum ko

vo ḳhud jaane vaalā to jā hī chukegā

magar jaate jaate rulā.egā tum ko

mubārak ho tum ko nayā saal bachcho

umañgeñ na.ī dil meñ paidā karo tum

ḳhushī likhne paḌhne meñ ho tum ko hāsil

jo ho kaam achchhe se achchhe karo tum

purana gaya aur naya sal aaya

mubarak ho tum ko naya sal bachcho

jo ab hath mein hai karo fikr us ki

gaya hath se jo gaya sal bachcho

dikhae KHuda sal tum ko bahut se

yunhi sal par sal aata rahega

wo jata rahega purana jo hoga

naya sal har sal aata rahega

purana agar sal ghaflat mein guzra

guzaro naya sal hushyar ho kar

jo pichhle baras mein kami rah gai hai

karo us ko pura KHabar-dar ho kar

naya sal ho jaega jab purana

to saman karega wo apne safar ke

kiye honge tum ne agar kaam achchhe

wo KHush jaega tum ko dil-shad kar ke

kiya hoga zaea agar tum ne is ko

to ghusse ki surat dikhaega tum ko

wo KHud jaane wala to ja hi chukega

magar jate jate rulaega tum ko

mubarak ho tum ko naya sal bachcho

umangen nai dil mein paida karo tum

KHushi likhne paDhne mein ho tum ko hasil

jo ho kaam achchhe se achchhe karo tum