bachchon se KHitab

zindagī naam hai taġhayyur kā

gar taġhayyur na ho to ziist muhāl

zarra zarra hai inqalāb-pazīr

yahī fitrat kī aarzū kā kamāl

rok le rāsta mashiyyat kā

kis kī tāqat hai aur kis kī majāl

ek gahrā sā rabt qaa.em hai

darmiyān-e-rah-e-firāq-o-visāl

log aate haiñ log jaate haiñ

hai yahī apnī zindagī kā ma.aal

jab taraqqī ke marhale hoñ tai

mulk-o-millat kā lāzmī hai ḳhayāl

tan kī pākīzgī bhī achchhī hai

man kī pākīzgī hai husn-e-ḳhisāl

mehr-o-ulfat kā dars aam kareñ

bāñTne sab meñ hai ye āb-e-zulāl

baḳhsh deñ gar koī kare taqsīr

ye hai insāniyat kā auj-e-kamāl

rāsta ho ġhalat to ruk jaao

na chalo chaal jo ho TeḌhī chaal

bhuul kar bhī na aisā kaam kareñ

jis se hāsil ho ranj-o-huzn-o-malāl

zindagi nam hai taghayyur ka

gar taghayyur na ho to zist muhaal

zarra zarra hai inqalab-pazir

yahi fitrat ki aarzu ka kamal

rok le rasta mashiyyat ka

kis ki taqat hai aur kis ki majal

ek gahra sa rabt qaem hai

darmiyan-e-rah-e-firaq-o-visal

log aate hain log jate hain

hai yahi apni zindagi ka maal

jab taraqqi ke marhale hon tai

mulk-o-millat ka lazmi hai KHayal

tan ki pakizgi bhi achchhi hai

man ki pakizgi hai husn-e-KHisal

mehr-o-ulfat ka dars aam karen

banTne sab mein hai ye aab-e-zulal

baKHsh den gar koi kare taqsir

ye hai insaniyat ka auj-e-kamal

rasta ho ghalat to ruk jao

na chalo chaal jo ho TeDhi chaal

bhul kar bhi na aisa kaam karen

jis se hasil ho ranj-o-huzn-o-malal