kutte

ye maanā bahut kaam aate haiñ kutte

ki choroñ ko pal meñ bhagāte haiñ kutte

nahīñ rahne dete haiñ sunsān us ko

mohalloñ kī zīnat baḌhāte haiñ kutte

magar un kī ḳhaslat hai apnoñ se laḌnā

ki kuttoñ pe ḳhud ġhurġhurāte haiñ kutte

agar jamā ho jaa.eñ kutte bahut se

to phir asliyat bhī dikhāte haiñ kutte

jo bore ko laTkā.e chuntā ho kāġhaz

to phir jaan ko us kī aate haiñ kutte

najis aur nāpāk hai jism un kā

jabhī to nahīñ ham ko bhāte haiñ kutte

vahāñ par hai ta.adād un kī ziyāda

jabhī log foreign se laate haiñ kutte

ka.ī aaise fashion ke maare bhī haiñ ab

ki pahlū meñ apne sulāte haiñ kutte

farishtoñ ko aane se vo rokte haiñ

gharoñ kī jo zīnat banāte haiñ kutte

ye mana bahut kaam aate hain kutte

ki choron ko pal mein bhagate hain kutte

nahin rahne dete hain sunsan us ko

mohallon ki zinat baDhate hain kutte

magar un ki KHaslat hai apnon se laDna

ki kutton pe KHud ghurghuraate hain kutte

agar jama ho jaen kutte bahut se

to phir asliyat bhi dikhate hain kutte

jo bore ko laTkae chunta ho kaghaz

to phir jaan ko us ki aate hain kutte

najis aur napak hai jism un ka

jabhi to nahin hum ko bhate hain kutte

wahan par hai tadad un ki ziyaada

jabhi log foreign se late hain kutte

kai aaise fashion ke mare bhi hain ab

ki pahlu mein apne sulate hain kutte

farishton ko aane se wo rokte hain

gharon ki jo zinat banate hain kutte