bachpan

ye bachche jin ko maa.eñ loriyāñ de kar sulātī haiñ

biThā kar apne pañkhoñ par jinheñ pariyāñ uḌātī haiñ

ajab hotī haiñ un kī ḳhvāhisheñ har shai ko paane kī

kabhī karte haiñ ye zid chāñd taare toḌ laane kī

unheñ mauqa jo mil jaa.e sharārat ḳhuub karte haiñ

mohabbat karne vāloñ se mohabbat ḳhuub karte haiñ

kuchh un meñ paḌhne likhne ke bahut shauqīn hote haiñ

to kuchh schōl jaate vaqt uuñ uuñ karke rote haiñ

ye jaldī dostī karte haiñ pal meñ chhoḌ dete haiñ

ye ġhusse meñ ḳhud apne hī khilaune toḌ dete haiñ

anokhī har adā un kī nirālā taur hotā hai

jise kahte haiñ ham bachpan sunahrā daur hotā hai

ye bachche jin ko maen loriyan de kar sulati hain

biTha kar apne pankhon par jinhen pariyan uDati hain

ajab hoti hain un ki KHwahishen har shai ko pane ki

kabhi karte hain ye zid chand tare toD lane ki

unhen mauqa jo mil jae shararat KHub karte hain

mohabbat karne walon se mohabbat KHub karte hain

kuchh un mein paDhne likhne ke bahut shauqin hote hain

to kuchh school jate waqt un un karke rote hain

ye jaldi dosti karte hain pal mein chhoD dete hain

ye ghusse mein KHud apne hi khilaune toD dete hain

anokhi har ada un ki nirala taur hota hai

jise kahte hain hum bachpan sunahra daur hota hai