بڑا آدمی
جس کو دنیا میں سب لوگ اچھا کہیں
جس کو ایمان دار اور سچا کہیں
جس کو نفرت ہو ہر اک برے کام سے
جس کو رغبت ہو تعلیم کے نام سے
جو سہارا ہو کمزور و مجبور کا
جس کے سینے میں ہو درد مزدور کا
جو پڑوسی کا ہمدرد و غم خوار ہو
ظلم کے حق میں جو تیز تلوار ہو
جو مصیبت سہے دوسرے کے لیے
اور حق بات بے خوف ہو کر کہے
جو برائی کے بدلے بھلائی کرے
بھولے بھٹکوں کی جو رہنمائی کرے
جس پہ اپنے پرائے بھروسا کریں
جس کے اخلاق کا لوگ چرچا کریں
جو کسی سے اگر کوئی وعدہ کرے
وقت پر اپنے وعدے کو پورا کرے
گلشن امن سے جس کی ہے دوستی
در حقیقت وہی ہے بڑا آدمی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
