badal de

kab tak vatan-e-ālām-o-masā.ib meñ ḳhudāyā

ab is kī musībat ko masarrat se badal de

kab tak ye tabāh-e-sitam-e-nakbat dād-bār

ab is kī nahūsat ko sa.ādat se badal de

kab tak ye shikār-e-alam-e-fāqa-o-iflās

ab us kī falākat ko imārat se badal de

kab tak ye giraftār-e-qitāl-o-jadal-o-jañg

ab is kī adāvat ko mohabbat se badal de

kab tak ye pashemān-e-balā nazr-e-havādis

ab is ke ġham-o-rañj ko rāhat se badal de

kab tak ye parastār-e-vafā vaqf-e-ḳhushāmad

ab is kī itā.at ko baġhāvat se badal de

had ho ga.ī bas is kī tabāhī kī ḳhudāyā

ab is kī ġhulāmī ko hukūmat se badal de

kab tak watan-e-alam-o-masaib mein KHudaya

ab is ki musibat ko masarrat se badal de

kab tak ye tabah-e-sitam-e-nakbat dad-bar

ab is ki nahusat ko saadat se badal de

kab tak ye shikar-e-alam-e-faqa-o-iflas

ab us ki falakat ko imarat se badal de

kab tak ye giraftar-e-qital-o-jadal-o-jang

ab is ki adawat ko mohabbat se badal de

kab tak ye pasheman-e-bala nazr-e-hawadis

ab is ke gham-o-ranj ko rahat se badal de

kab tak ye parastar-e-wafa waqf-e-KHushamad

ab is ki itaat ko baghawat se badal de

had ho gai bas is ki tabahi ki KHudaya

ab is ki ghulami ko hukumat se badal de