badan ki fasilen

raat phir yuuñ huā

adh khule āsmāñ par parindoñ kī chīḳhoñ meñ lipTe hue

ḳhvāhishoñ ke badan

tilmilāne lage

mere kānoñ meñ mere dahakte hue ḳhuun kī

rang kī nuur kī sīTiyāñ sī bajīñ

phir irādoñ kī chhātī meñ niilī rageñ munjamid ho ga.iiñ

phir badan kī fasīloñ ke saa.e bane

jumbihsoñ meñ vahī sarsarāhaT huī

phir mire jism kī dūdhiyā chāñdnī

har taraf chhā ga.ī

aur maiñ

jism-o-jāñ kī shikan-dar-shikan uljhanoñ ko sameTe hue

so gayā

raat phir yuuñ huā

raat phir yun hua

adh khule aasman par parindon ki chiKHon mein lipTe hue

KHwahishon ke badan

tilmilane lage

mere kanon mein mere dahakte hue KHun ki

rang ki nur ki siTiyan si bajin

phir iradon ki chhati mein nili ragen munjamid ho gain

phir badan ki fasilon ke sae bane

jumbihson mein wahi sarsarahaT hui

phir mere jism ki dudhiya chandni

har taraf chha gai

aur main

jism-o-jaan ki shikan-dar-shikan uljhanon ko sameTe hue

so gaya

raat phir yun hua