badan se puri aankh hai meri

badan se puurī aañkh hai merī

jaao jā-namāz se apnī pasand kī duā uThā lo

har rañg kī duā maiñ maañg chukī

bāġhbāñ dil kā biij tere paas bhī na hogā

dekho dhueñ meñ aag kaise lagtī hai

mere pairahan kī tapish miTTī kaise jalātī hai

badan se puurī aañkh hai merī

nigāh jo tane kī zarūrat hī kyā paḌī hai

merī bārishoñ ke tiin rañg haiñ

TuuTī kamān pe ek nishān ḳhatā kā paḌā hai

ham chāheñ to sūraj hamārī roTī pakā.e

aur ham sūraj ko tandūr kareñ

faisla chukā diyā ḳhatā apnī bhuul ga.e

nazar karne aa.e the chuTkī bhar aañkh

aañkh terī galiyoñ meñ to bāzār haiñ

zamīn aañkh chhoḌ kar samundar meñ so rahī

jañgal to sirf talāsh hai

ghar to kā.enāt ke pichhvāḌe hī rah gayā

shikār kamān meñ phañs phañs kar marā

tum kaise shikārī

āñkheñ tevaroñ se jal rahī haiñ

jism zindagī kī mulāzmat meñ hai

tanhā.ī kashkol hai

ham ne ā.ankhoñ se shamshīr khīñchī

aur ruḳhsat kī tasvīr banā.ī

raat god meñ sulā.ī

aur chāñd kā juutā banvāyā

ham ne raah meñ apne pairoñ ko janā

badan se puri aankh hai meri

jao ja-namaz se apni pasand ki dua uTha lo

har rang ki dua main mang chuki

baghban dil ka bij tere pas bhi na hoga

dekho dhuen mein aag kaise lagti hai

mere pairahan ki tapish miTTi kaise jalati hai

badan se puri aankh hai meri

nigah jo tane ki zarurat hi kya paDi hai

meri barishon ke tin rang hain

TuTi kaman pe ek nishan KHata ka paDa hai

hum chahen to suraj hamari roTi pakae

aur hum suraj ko tandur karen

faisla chuka diya KHata apni bhul gae

nazar karne aae the chuTki bhar aankh

aankh teri galiyon mein to bazar hain

zamin aankh chhoD kar samundar mein so rahi

jangal to sirf talash hai

ghar to kaenat ke pichhwaDe hi rah gaya

shikar kaman mein phans phans kar mara

tum kaise shikari

aankhen tewaron se jal rahi hain

jism zindagi ki mulazmat mein hai

tanhai kashkol hai

hum ne aaankhon se shamshir khinchi

aur ruKHsat ki taswir banai

raat god mein sulai

aur chand ka juta banwaya

hum ne rah mein apne pairon ko jana