bahaar sab ke liye

surma.ī pahāḌoñ par

ye hare bhare jañgal

shāḳh shāḳh hariyālī

chūmte hue panchhī

chaar sū fazāoñ meñ

zindagī mahaktī hai

phuul muskurāte haiñ

rañg-o-nūr kī chādar

oḌh kar havā niklī

āsmān raushan hai

duur tak zamīñ apnī

baañh khole maañ jaisī

khelte parindoñ ko

pyaar se bulātī hai

titliyoñ ke jhurmuT se

ek ek pagDanDī

be-nazīr lagtī hai

jaise koī maañ beTī

saaf suthre āñgan meñ

chuTkiyoñ se rañgoñ kī

raushnī luTātī huuñ

surma.ī pahāḌoñ ke

mashriqī kināroñ par

raushnī chamaktī hai

zindagī damaktī hai

ye bahār kā mausam

is zamīñ se ugtā hai

is zamīñ kā hissa hai

jis kisī kā jī chāhe

ye bahār le jaa.e

surma.ī pahāḌoñ ke

jañgaloñ kī shādābī

shāḳh shāḳh hariyālī

jis kisī kā jī chāhe

apnī ruuh mahkā.e

surmai pahaDon par

ye hare bhare jangal

shaKH shaKH hariyali

chumte hue panchhi

chaar su fazaon mein

zindagi mahakti hai

phul muskuraate hain

rang-o-nur ki chadar

oDh kar hawa nikli

aasman raushan hai

dur tak zamin apni

banh khole man jaisi

khelte parindon ko

pyar se bulati hai

titliyon ke jhurmuT se

ek ek pagDanDi

be-nazir lagti hai

jaise koi man beTi

saf suthre aangan mein

chuTkiyon se rangon ki

raushni luTati hun

surmai pahaDon ke

mashriqi kinaron par

raushni chamakti hai

zindagi damakti hai

ye bahaar ka mausam

is zamin se ugta hai

is zamin ka hissa hai

jis kisi ka ji chahe

ye bahaar le jae

surmai pahaDon ke

jangalon ki shadabi

shaKH shaKH hariyali

jis kisi ka ji chahe

apni ruh mahkae