bahr-e-gham ka kinara

sab ne mujh se kiyā hai kinārā

sirf terā hai yārab sahārā

ashk-e-ġham yūñhī bahte raheñge

yā rukegā kabhī ġham kā dhārā

merī kashtī hai tūfāñ kī zad meñ

mil gayā bahr-e-ġham kā kinārā

zabt kī bhī koī intihā hai

maiñ kahāñ tak karūñ ġham gavāra

sū-e-manzil baḌhī huuñ maiñ yārab

terī rahmat kā le kar sahārā

kis tarah haal dil kā chhupā.ūñ

jo ho chehre se ġham āshkārā

ham zamāne meñ sab ke haiñ 'nāshād'

aur koī nahīñ hai hamārā

sab ne mujh se kiya hai kinara

sirf tera hai yarab sahaara

ashk-e-gham yunhi bahte rahenge

ya rukega kabhi gham ka dhaara

meri kashti hai tufan ki zad mein

mil gaya bahr-e-gham ka kinara

zabt ki bhi koi intiha hai

main kahan tak karun gham gawara

su-e-manzil baDhi hun main yarab

teri rahmat ka le kar sahaara

kis tarah haal dil ka chhupaun

jo ho chehre se gham aashkara

hum zamane mein sab ke hain 'nashad'

aur koi nahin hai hamara