barf ki guDiya

barf kī guḌiyā

jāntī hai

dhuup meñ kitnā pasījnā hai

ThanD meñ kitnā akaḌnā hai

use batāyā gayā hai guḌiyā hone kā matlab

ujlā honā añdheroñ ko khaTaktā hai

har añdherā use taarā banānā chāhtā hai

dāman meñ sameTnā

lekin chāñd kī tarah māthe par sajānā nahīñ chāhtā

kyoñ ki aḳhtar-shumārī se mahaz raat kaaTī jā saktī hai

din nahīñ

barf kī guḌiyā pighalnā chāhtī hai

vo bāhar aanā chāhtī hai apne vajūd ke sāñche se

lekin darvāze par baiThe haiñ saare aqdār

ehtijāj karte hue

muhājir dast-bardār

ki agar badal gayā barf kā rang

to bhiig jā.egā un kā kāġhazī pairahan

barf kī guḌiyā gar paanī ban kar bhaap ban jā.egī

tab zamīn use dekhegī

usī zarūrat kī nazar se

barf ki guDiya

jaanti hai

dhup mein kitna pasijna hai

ThanD mein kitna akaDna hai

use bataya gaya hai guDiya hone ka matlab

ujla hona andheron ko khaTakta hai

har andhera use tara banana chahta hai

daman mein sameTna

lekin chand ki tarah mathe par sajaana nahin chahta

kyon ki aKHtar-shumari se mahaz raat kaTi ja sakti hai

din nahin

barf ki guDiya pighalna chahti hai

wo bahar aana chahti hai apne wajud ke sanche se

lekin darwaze par baiThe hain sare aqdar

ehtijaj karte hue

muhajir dast-bardar

ki agar badal gaya barf ka rang

to bhig jaega un ka kaghazi pairahan

barf ki guDiya gar pani ban kar bhap ban jaegi

tab zamin use dekhegi

usi zarurat ki nazar se