barg-rez

ThanD khā kar ThiThur ga.e patte

āñdhiyoñ meñ bikhar ga.e patte

peḌ har raah chalne vaale se

pūchhte haiñ kidhar ga.e patte

aa.e le kar julūs aahoñ kā

sar jhukā.e guzar ga.e patte

itnā sunsān to na thā manzar

jitnā sunsān kar ga.e patte

dil kī pagDañDiyāñ udaas haiñ aaj

koī kahtā hai mar ga.e patte

ThanD kha kar ThiThur gae patte

aandhiyon mein bikhar gae patte

peD har rah chalne wale se

puchhte hain kidhar gae patte

aae le kar julus aahon ka

sar jhukae guzar gae patte

itna sunsan to na tha manzar

jitna sunsan kar gae patte

dil ki pagDanDiyan udas hain aaj

koi kahta hai mar gae patte