bargad

mere raste meñ ik moḌ thā

aur us moḌ par

peḌ thā ek bargad kā

ūñchā

ghanā

jis ke saa.e meñ merā bahut vaqt biitā hai

lekin hamesha yahī maiñ ne sochā

ki raste meñ ye moḌ hī is liye hai

ki ye peḌ hai

umr kī āñdhiyoñ meñ

vo peḌ ek din gir gayā hai

moḌ lekin hai ab tak vahīñ kā vahīñ

dekhtā huuñ to

aage bhī raste meñ

bas moḌ hī moḌ haiñ

peḌ koī nahīñ

rāstoñ meñ mujhe yuuñ to mil jaate haiñ mehrbāñ

phir bhī har moḌ par

pūchhtā hai ye dil

vo jo ik chhāñv thī

kho ga.ī hai kahāñ

mere raste mein ek moD tha

aur us moD par

peD tha ek bargad ka

uncha

ghana

jis ke sae mein mera bahut waqt bita hai

lekin hamesha yahi main ne socha

ki raste mein ye moD hi is liye hai

ki ye peD hai

umr ki aandhiyon mein

wo peD ek din gir gaya hai

moD lekin hai ab tak wahin ka wahin

dekhta hun to

aage bhi raste mein

bas moD hi moD hain

peD koi nahin

raston mein mujhe yun to mil jate hain mehrban

phir bhi har moD par

puchhta hai ye dil

wo jo ek chhanw thi

kho gai hai kahan