bashaarat pani ki

purānī baat hai

lekin ye anhonī sī lagtī hai

vo sab pyāse the

mīloñ kī masāfat se badan behāl thā un kā

jahāñ bhī jaate vo dariyāoñ ko sūkhā huā paate

ajab banjar zamīnoñ kā safar darpesh thā un ko

kahīñ paanī na miltā thā

khajūroñ ke daraḳhtoñ se unhoñ ne uuñT bāñdhe

aur thak kar so ga.e saare

unhoñ ne ḳhvāb meñ dekhā

khajūroñ ke daraḳhtoñ kī qatāreñ ḳhatm hotī haiñ jahāñ

paanī chamaktā hai

vo sab jaage

har ik jānib tahayyur se nazar Daalī

vo sab uTThe

mahāreñ thaam kar hāthoñ meñ ūñToñ kī

khujūroñ ke daraḳhtoñ kī qatāreñ ḳhatm hone meñ na aatī thiiñ

zabāneñ suukh kar kāñTā huī thiiñ

aur ūñToñ ke qadam aage na uThte the

vo sab chīḳhe

bashārat dene vaale ko sadā dī

aur zamīn ko pair se ragḌā

har ik jānib tahayyur se nazar Daalī

khujūroñ ke daraḳhtoñ kī qatāreñ ḳhatm thiiñ

paanī chamaktā thā!!

purani baat hai

lekin ye anhoni si lagti hai

wo sab pyase the

milon ki masafat se badan behaal tha un ka

jahan bhi jate wo dariyaon ko sukha hua pate

ajab banjar zaminon ka safar darpesh tha un ko

kahin pani na milta tha

khajuron ke daraKHton se unhon ne unT bandhe

aur thak kar so gae sare

unhon ne KHwab mein dekha

khajuron ke daraKHton ki qataren KHatm hoti hain jahan

pani chamakta hai

wo sab jage

har ek jaanib tahayyur se nazar Dali

wo sab uTThe

mahaaren tham kar hathon mein unTon ki

khujuron ke daraKHton ki qataren KHatm hone mein na aati thin

zabanen sukh kar kanTa hui thin

aur unTon ke qadam aage na uThte the

wo sab chiKHe

bashaarat dene wale ko sada di

aur zamin ko pair se ragDa

har ek jaanib tahayyur se nazar Dali

khujuron ke daraKHton ki qataren KHatm thin

pani chamakta tha!!