batao to

aao bachcho bāteñ batāo

desh kā apne naqsha banāo

gangā nadī hai kahāñ se niklī

kahāñ kahāñ ye jā kar phailī

sangam kā vo kaun nagar hai

jis par sab kī lagī nazar hai

jhāñsī kyoñ mash.hūr huī hai

kis ke naam se vo chamkī hai

kaise amar punjab banā hai

kaun vahāñ mash.hūr huā hai

kahāñ hue gāñdhī jī paidā

kaam unhoñ ne kiye haiñ kyā kyā

kaun the 'shaukat' kaun the 'jauhar'

kyoñ hai in kā charchā ghar ghar

paidā hue 'ashfāq' kahāñ par

naam hai kyoñ har ek zabāñ par

desh kā apne kaun nagar hai

jo jannat se bhī baḌh kar hai

dillī ko ham kyā haiñ kahte

jahāñ safīr har mulk ke rahte

aao bachcho baaten batao

desh ka apne naqsha banao

ganga nadi hai kahan se nikli

kahan kahan ye ja kar phaili

sangam ka wo kaun nagar hai

jis par sab ki lagi nazar hai

jhansi kyon mashhur hui hai

kis ke nam se wo chamki hai

kaise amar punjab bana hai

kaun wahan mashhur hua hai

kahan hue gandhi ji paida

kaam unhon ne kiye hain kya kya

kaun the 'shaukat' kaun the 'jauhar'

kyon hai in ka charcha ghar ghar

paida hue 'ashfaq' kahan par

nam hai kyon har ek zaban par

desh ka apne kaun nagar hai

jo jannat se bhi baDh kar hai

dilli ko hum kya hain kahte

jahan safir har mulk ke rahte