bataKHen

ye pyārī pyārī battaḳheñ chaltī haiñ kis andāz se

jaise hasīñ shahzādiyāñ iThlā rahī hoñ naaz se

hai zard geñdoñ kī tarah hamrāh bachchoñ kā kuTumb

tum ruī ke gaale kaho gole kaheñ resham ke ham

haiñ rāniyāñ tālāb kī ye ujlī ujlī battaḳheñ

beloñ bharī jhīloñ kī haiñ un se hī qaa.em raunaqeñ

tan dūdhiyā chikne haiñ par siine tane akḌe haiñ sar

yā kashtiyāñ chāñdī kī haiñ shaffāf sat.h-e-āb par

marmar ke but haiñ tairte paanī ke uupar shaan se

pariyāñ ye shoḳh o shang sī aa.ī haiñ nūristān se

aisī safed-o-ḳhushnumā jaise khilaune barf ke

yā taḳhta-e-billor par raushan haiñ momī qumqume

choñcheñ sunahrī khol kar qeñ qeñ kī tāneñ ghol kar

lahroñ meñ lahrātī haiñ ye panjoñ ke chappū tol kar

nīlofaroñ kā kunj hai in kī masarrat kā jahāñ

nikhre hue sundar kañval dete haiñ in ko thapkiyāñ

ye pyari pyari battaKHen chalti hain kis andaz se

jaise hasin shahzadiyan iThla rahi hon naz se

hai zard gendon ki tarah hamrah bachchon ka kuTumb

tum rui ke gale kaho gole kahen resham ke hum

hain raniyan talab ki ye ujli ujli battaKHen

belon bhari jhilon ki hain un se hi qaem raunaqen

tan dudhiya chikne hain par sine tane akDe hain sar

ya kashtiyan chandi ki hain shaffaf sath-e-ab par

marmar ke but hain tairte pani ke upar shan se

pariyan ye shoKH o shang si aai hain nuristan se

aisi safed-o-KHushnuma jaise khilaune barf ke

ya taKHta-e-billor par raushan hain momi qumqume

chonchen sunahri khol kar qen qen ki tanen ghol kar

lahron mein lahraati hain ye panjon ke chappu tol kar

nilofaron ka kunj hai in ki masarrat ka jahan

nikhre hue sundar kanwal dete hain in ko thapkiyan