بونا

ایک کہاوت میں نے سنی ہے

پہلے کاغذ پر اکبر نے اک خط کھینچا

بیربل سے نوک جھونک کے لہجے میں پھر

یہ فرمایا

بنا گھٹائے بنا مٹائے کیا تم میرے خط کو چھوٹا کر سکتے ہو

پل بھر کو تو اس نے سوچا لیکن

پھر اوس خط کے مد مقابل

اس سے لمبا اک خط کھینچا

اور کہا اے ظل الٰہی

آپؐ کا خط اب میرے خط سے کتنا چھوٹا لگنے لگا ہے

چھوٹے بڑوں کی اس دنیا میں

میرے قد سے جلنے والو

اپنے قد کو اونچا کرنے کا فن سیکھو

میں تو خود ہی چھوٹا لگنے لگ جاؤں گا

تم کو خوش کرنے کی خاطر

تم ہی کہو

میں چاہوں بھی تو

اپنے قد کو کیسے چھوٹا کر سکتا ہوں