be-barg shajar

ab meñ kis se kahūñ

ki kahne ke liye kuchh bhī nahīñ

na harf-o-lafz na āvāz na samā.at

koī rishta naatā hai nahīñ

ik ik kar ke rishte naate miTTī se bichhaḌ ke

aur paanī meñ Dūbte chale jaate haiñ

vahāñ jaane kā vaqt aa gayā hai

saath le jaane vaalā parinda sar par mañDlā rahā hai

isī liye daraḳhtoñ kī putliyāñ bilkul ḳhāmosh haiñ

ma.alūm huā ki koī kisī kā thā hī nahīñ

yā dil to shāyad mahz nirāshā kā Dher thā

is Dher par paanī kī ek buuñd bhī girne ko tayār nahīñ thī

safar karne vaalā barahna paañv to dhuul meñ paḌā rah gayā

maiñ ne shāyad use is liye nahīñ uThāyā ki

use kisī aur jism meñ lagāyā nahīñ jā saktā thā

ab mein kis se kahun

ki kahne ke liye kuchh bhi nahin

na harf-o-lafz na aawaz na samaat

koi rishta nata hai nahin

ek ek kar ke rishte nate miTTi se bichhaD ke

aur pani mein Dubte chale jate hain

wahan jaane ka waqt aa gaya hai

sath le jaane wala parinda sar par manDla raha hai

isi liye daraKHton ki putliyan bilkul KHamosh hain

malum hua ki koi kisi ka tha hi nahin

ya dil to shayad mahz nirasha ka Dher tha

is Dher par pani ki ek bund bhi girne ko tayar nahin thi

safar karne wala barahna panw to dhul mein paDa rah gaya

main ne shayad use is liye nahin uThaya ki

use kisi aur jism mein lagaya nahin ja sakta tha