be-KHayali mein taKHliq

ḳhyālāt-o-ehsās

jo be-sāḳhta likh diye haiñ

na jaane vo kab se dil-o-jāñ ke andar chhupe the

kisī raaz jaise

qalam-band hone ko bechain the

ka.ī dard uljhe savālāt

jo safhe pe sajne ko betāb the

vo sab

qalam se mire motiyoñ kī tarah

ab barasne lage haiñ

sabhī raqs karne lage haiñ

mirī chashm-e-pur-nam

jo sailāb roke hue hai

sitāre chamakte haiñ merī palak par

unheñ maiñ raqam kar rahī huuñ

jo tūfān hai maujzan mere andar

vo armān vo ḳhvāb

ka.ī lā-shu.ūrī mazāmīn ban kar

varaq-dar-varaq jagmagāne lage haiñ

sabhī raqs karne lage haiñ

aur ab

usī jazb-o-ehsās ke zer-e-sāya

ġhazal phuul ban kar mahaktī hai

kabhī nazm gaatī hai vo giit

ki jo be-ḳhayālī meñ taḳhlīq ho kar

banātī hai rañgīn paikar

ye bazm-e-suḳhan ko sajāne pe maa.il

ḳhayālāt sab raqs karne lage haiñ

qalam se mire motiyoñ kī tarah

ab barasne lage haiñ

sabhī raqs karne lage haiñ

KHyalat-o-ehsas

jo be-saKHta likh diye hain

na jaane wo kab se dil-o-jaan ke andar chhupe the

kisi raaz jaise

qalam-band hone ko bechain the

kai dard uljhe sawalat

jo safhe pe sajne ko betab the

wo sab

qalam se mere motiyon ki tarah

ab barasne lage hain

sabhi raqs karne lage hain

meri chashm-e-pur-nam

jo sailab roke hue hai

sitare chamakte hain meri palak par

unhen main raqam kar rahi hun

jo tufan hai maujzan mere andar

wo arman wo KHwab

kai la-shuuri mazamin ban kar

waraq-dar-waraq jagmagane lage hain

sabhi raqs karne lage hain

aur ab

usi jazb-o-ehsas ke zer-e-saya

ghazal phul ban kar mahakti hai

kabhi nazm gati hai wo git

ki jo be-KHayali mein taKHliq ho kar

banati hai rangin paikar

ye bazm-e-suKHan ko sajaane pe mail

KHayalat sab raqs karne lage hain

qalam se mere motiyon ki tarah

ab barasne lage hain

sabhi raqs karne lage hain