be-KHayali

sub.h thī shaam Dhalne ko hai

din kā nām-o-nishāñ tak nahīñ

kuchh pata hī nahīñ hai ki kab sūraj apnī javānī gañvāte hue

bādaloñ ko jalāte hue

thak ke tārīkiyoñ ke tasallut ke aage tapish aur chamak maañd kar ke kisī dūsre mulk meñ jā chukā hai

ḳhabar hai ki

ab vo vahāñ par laḌakpan meñ hai

aur jaldī javāñ ho ke phir se buḌhāpe meñ jaane ko tayyār hai

sciencī tajziya-kār kahte haiñ

ye sab zamīñ kī vajah se huā hai

ye sākin nahīñ

ḳhair sākin to kuchh bhī nahīñ

kis qadar be-ḳhayāl aadmī huuñ maiñ kitnā burā huuñ

jise āj-kal din kī azmat kā ehsās bilkul nahīñ hai

hālat-e-hāl aisī hai ki

din kā sote hue biit jaanā

raat kā jāgte jāgte kāTnā

aur musalsal kisī be-kināra lahar kī tarah bahte bahte sukūñ DhūñDhnā

be-tarah zindagī ke sabhī qā.ede toḌnā

zehn ko yād-e-māzī kī kāñToñ-bharī saḳht dīvār par mārnā

aur phir yaad ke zaḳhm se ḳhuuñ kī dhāreñ nikalte hue dekhnā

kabhī be-ḳhayālī meñ hañsnā

kabhī dil ke andar banī qabr par baiTh kar ghanToñ ronā

kabhī aañkh se bahte aañsū chhupānā

kabhī apne haare hue shaḳhs ke baare meñ har kisī ko batānā

magar

jab kabhī un ḳharāboñ se fursat mile sochtā huuñ ki

ye zindagī hai

to kyā zindagī hai

maiñ kitnā akelā huuñ

ab koī bhī to nahīñ jo kahe ki use mujh se kuchh kahnā hai

yā use mujh se kuchh kaam hai

sub.h thī

shaam hai

subh thi sham Dhalne ko hai

din ka nam-o-nishan tak nahin

kuchh pata hi nahin hai ki kab suraj apni jawani ganwate hue

baadalon ko jalate hue

thak ke tarikiyon ke tasallut ke aage tapish aur chamak mand kar ke kisi dusre mulk mein ja chuka hai

KHabar hai ki

ab wo wahan par laDakpan mein hai

aur jaldi jawan ho ke phir se buDhape mein jaane ko tayyar hai

scienci tajziya-kar kahte hain

ye sab zamin ki wajah se hua hai

ye sakin nahin

KHair sakin to kuchh bhi nahin

kis qadar be-KHayal aadmi hun main kitna bura hun

jise aaj-kal din ki azmat ka ehsas bilkul nahin hai

haalat-e-haal aisi hai ki

din ka sote hue bit jaana

raat ka jagte jagte kaTna

aur musalsal kisi be-kinara lahar ki tarah bahte bahte sukun DhunDhna

be-tarah zindagi ke sabhi qaede toDna

zehn ko yaad-e-mazi ki kanTon-bhari saKHt diwar par marna

aur phir yaad ke zaKHm se KHun ki dhaaren nikalte hue dekhna

kabhi be-KHayali mein hansna

kabhi dil ke andar bani qabr par baiTh kar ghanTon rona

kabhi aankh se bahte aansu chhupana

kabhi apne haare hue shaKHs ke bare mein har kisi ko batana

magar

jab kabhi un KHarabon se fursat mile sochta hun ki

ye zindagi hai

to kya zindagi hai

main kitna akela hun

ab koi bhi to nahin jo kahe ki use mujh se kuchh kahna hai

ya use mujh se kuchh kaam hai

subh thi

sham hai