be-misl ke nam

vaqt kā tum par kyā asar

ki tumhārī āñkheñ

sāmrī kā kaTorā haiñ

jin meñ pesh aane vaale vāqi.āt ubal paḌeñ

zehn kī chādareñ tumhāre mood se badlī jaatī haiñ

niyyat kā mausam yak-dam monāl kī raat ban jaatā hai

sirf jab tumhārī baat kā bulb jale

be-libās na phiro ki ret kā rang tum se jalne lage

libās pahno ki chhatriyoñ kī qaus-e-quzah se dhuup muskurā uThe

bārish bane rahnā ki daraḳht tum se parde kī zahmat na kareñ

apne baal mat sañvārnā jañgaloñ meñ raat kāTnā kisī ko bahut pasand hai

waqt ka tum par kya asar

ki tumhaari aankhen

samri ka kaTora hain

jin mein pesh aane wale waqiat ubal paDen

zehn ki chadaren tumhaare mood se badli jati hain

niyyat ka mausam yak-dam monal ki raat ban jata hai

sirf jab tumhaari baat ka bulb jale

be-libas na phiro ki ret ka rang tum se jalne lage

libas pahno ki chhatriyon ki qaus-e-quzah se dhup muskura uThe

barish bane rahna ki daraKHt tum se parde ki zahmat na karen

apne baal mat sanwarna jangalon mein raat kaTna kisi ko bahut pasand hai